Վենեսուելան գնահատել է իր «պետրո» կրիպտոարժույթի սկզբնական արժեքը
Վենեսուելական գաղտնարժույթի սկզբնական արժեքը կկազմի 60 դոլար մեկ «պետրոյի» դիմաց, նախնական սակարկությունների ընթացքում ընդամենը կիրացվի 38,4 միլիոն «պետրո»: Այդ մասին հայտնել է Globovision ալիքը՝ վկայակոչելով նոր արժույթի շրջանառության հաստատված պարամետրերը:
Նավթով ապահովված գաղտնարժույթի սկզբնական արժեքը վերցված է որպես վենեսուելական նավթի մեկ բարելի մոտավոր գինը, վերջնական արժեքը կորոշի շուկան:
Վենեսուելայի նախագահ Նիկոլաս Մադուրոն սեփական գաղնարժույթ ստեղծելու մտադրության մասին առաջին անգամ հայտարարել է դեկտեմբերի սկզբին: Նրա խոսքով՝ նոր տեխնոլոգիայի կիրառումը կօգնի հաղթահարելու երկրի ֆինանսական շրջափակումը, հաղորդել է ՌԻԱ Նովոստին:
