Միջերկրական ծովում 90 միգրանտներ են խեղդվել Լիբիայի ափերի մոտ
Փետրվարի 2-ի առավոտյան շուրջ 90 միգրանտներ են խեղդվել Միջերկրական ծովում տեղի ունեցած նավաբեկության հետեւանքով: Այդ մասին Ժնեւում կայացած ճեպազրույցի ժամանակ հայտնել է Միգրացիայի միջազգային կազմակերպության ներկայացուցիչ Օլիվիա Հեյդենը։
«Գնահատումների համաձայն, այսօր վաղ առավոտյան 90 միգրանտ է խեղդվել Լիբիայի ափերի մոտ տեղի ունեցած նավաբեկության հետեւանքով»,-նշել է նա: Ափին հայտնաբերվել է տասը մարդու մարմին, նրանցից երկուսը լիբիացիներ են, ութը՝ պակիստանցիներ: Երկու հոգի փրկվել է, նրանց ծովում վերցրել են ձկնորսները, հաղորդել է ՏԱՍՍ-ը:
