Իսրայելը Գազայի հատվածում հարված է հասցրել ՀԱՄԱՍ-ի դիրքին ի պատասխան հրթիռակոծման
Իսրայելի ռազմաօդային ուժերը փետրվարի 2-ին Գազայի հատվածում հարված են հասցրել ՀԱՄԱՍ-ի դիրքին ի պատասխան հինգշաբթի երեկոյան հրեական պետության տարածքի հրթիռակոծման: Այդ մասին ասված է իսրայելական բանակի մամուլի ծառայության հաղորդագրության մեջ:
«Ի պատասխան Իսրայելի հարավային շրջաննների վրա արձակված հրթիռի, ինքնաթիռը Գազայի հատվածի հարավային մասում հարված է հասցրել ՀԱՄԱՍ-ի դիրքին»,- նշվում է փաստաթղթում: Զինվորականները հայտարարել են, որ «բանակը ՀԱՄԱՍ շարժմանն է պատասխանատու համարում ցանկացած թշնամական գործողության համար, որը ձեռնարկվում է Գազայի հատվածից»: Հրթիռակոծման եւ պատասխան հարվածի հետեւանքով զոհերի մասին տեղեկություններ չեն ստացվել, հաղորդել է ՏԱՍՍ-ը:
