Մինիվենը Շանհայում վրաերթի է ենթարկել հետիոտններին, տուժել է առնվազն 17 մարդ
Մինիվենը փետրվարի 2-ի առավոտյան Շանհայում վրաերթի է ենթարկել հետիոտնների բազմությանը, ինչի հետեւանքով տուժել է 17 մարդ: Նրանց բոլորին հոսպիտալացրել են տարբեր վնասվածքներով: Այդ մասին ասված է տեղի տրանսպորտային ոստիկանության հայտարարության մեջ:
Դրանում նաեւ նշվում է, որ մինիվենի վարորդը կասկածվում է դյուրավառ նյութերի անօրինական փոխադրման մեջ: Միջադեպը տեղի է ունեցել քաղաքի առավել բանուկ շրջանններից մեկում՝ Նանցզինսի եւ Սինչան փողոցների հատման վայրում: Մինիվենը, որում գազի բալոններ կային, բռնկել է, տապալել արգելապատնեշը եւ հետիոտնների բազմության մեջ մխրճվել Starbucks սրճարանի մոտ:
Պատահարի վայր ժամանած հրշեջները մարել են կրակը: Մինիվենում գետնվող մարդիկ այրվածքներ են ստացել: Նախնական վարկածով՝ բռնկման պատճառ է դարձել այն, որ վարորոդը ծխում էր ղեկի առջեւ, հաղորդել է ՏԱՍՍ-ը:
