Վթար Աշտարակի շուկայի հարևանությամբ. կան տուժածներ
Փետրվարի 1-ին՝ ժամը 21:58-ին, ահազանգ է ստացվել, որ Արագածոտնի մարզի Աշտարակ քաղաքի Տ.Մեծի փողոցում՝ շուկայի հարևանությամբ, տեղի է ունեցել ՃՏՊ, կան տուժածներ. անհրաժեշտ է փրկարարների օգնություն:
Դեպքի վայր է մեկնել մեկ մարտական հաշվարկ: Պարզվել է, որ բախվել են «Mercedes e-190» մակնիշի 35 DV 859 (վարորդ Ա. Մ.) և «Nissan X-trayl» մակնիշի 35 GQ 510 (վարորդ Ա. Մ.) պետհամարանիշերի ավտոմեքենաները:
Մինչ փրկարարների կանչի վայր հասնելը՝ «Mercedes e-190» մակնիշի ավտոմեքենայի ուղևորներ՝ 1997 թ. ծնված Տ. Կ.-ը և 1982 թ. ծնված Ա. Մ.-ը մարմնական վնասվածքներով տեղափոխվել են Աշտարակի ԲԿ, որտեղ բժիշկները տուժածների առողջական վիճակը գնահատել են բավարար:
Փրկարարները հոսանքազրկել են ավտոմեքենաները և փակել են գազի բալոնների փականները:
