Փոփոխություններ՝ «Պետական պարգևների և կոչումների մասին» օրենքում
Կառավարությունը հավանություն տվեց «Հայաստանի Հանրապետության պետական պարգևների և պատվավոր կոչումների մասին» ՀՀ օրենքում փոփոխություններ և լրացումներ կատարելու մասին» օրենքի նախագծին:
Արդարադատության նախարար Դավիթ Հարությունյանը նշեց, որ ներկայումս հանրապետության նախագահն է պարգևում շքանշաններով և առ այս պահը կար օրենք, որը կանոնակարգում էր պարգևներ տալու վերաբերյալ հարցերը, բայց ծայրահեղ սահմանափակ էին դրանք:
«Հիմա առաջարկում ենք սահմանել այն անձանց շրջանակը, ովքեր կարող են ներկայացնել միջնորդություն, նրանք են՝ Բարձրագույն դատական խորհուրդը, Սահմանադրական դատարանը և վարչապետը»,- ասաց նա:
Փոփոխությամբ նաև առաջարկվում է կարգավորել, թե ինչ պայմանների պիտի բավարարի միջնորդությունը:
Դավիթ Հարությունյանի խոսքով՝ պետական մարմինները, նաև իրավաբանական անձինք, վարչապետն էլ ստանալով այդ միջնորդությունը՝ այն պիտի ուղարկեն հանձնաժողով: Նաև նախագահի կողմից շնորհվելու օրակարգն է սահմանվել օրենքով, ինչպես նաև օրենքում սահմանված են պետական պարգևների նմուշները:
