Տոնական և նախատոնական օրերին մաքսային ծառայությունն ու առևտրային բանկերը կաշխատեն արտակարգ ռեժիմով
Տոնական և նախատոնական օրերին մաքսային ծառայությունն ու առևտրային բանկերը կաշխատեն արտակարգ ռեժիմով: Այսօր կառավարության նիտում վարչապետ Կարեն Կարապետյանն այս մասին հանձնարարականներ տվեց:
«Ուսումնասիրությունները փաստում են, որ կտրուկ ակտիվանում են արտաքին առևտրային գործունեություն իրականցնող գործարարները»,- ասաց վարչապետը` նշելով, որ արտահանմամբ և ներմուծմամբ զբաղվող գործարարների ու քաղաքացիներին մաքսային մարմինների և բանկերի կողմից ծառայության մատուցումը, ձևակերպումները ժամանակին և առանց ընդհատումների պետք է կազմակերպել:
Կ.Կարապետյանը ՊԵԿ նախագահին հանձնարարեց, իսկ ԿԲ նախագահին առաջակեց դեկտեմբերի 2-ից մինչև տոնական օրերի ավարտը մաքսային ծառայությունների անընդհատությունն ապահովելու նպատակով շաբաթ և կիրակի ու տոնական օրերին կազմակերպել հերթապահություն:
