Պուտինը կընդունի ՀԱՊԿ-ի գլխավոր քարտուղար Խաչատուրովին
ՌԴ նախագահ Վլադիմիր Պուտինը նոյեմբերի 28-ին հանդիպում կունենա Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Յուրի Խաչատուրովի հետ: Այդ մասին լրագրողներին հայտնել Է ՌԴ նախագահի մամուլի քարտուղար Դմիտրի Պեսկովը, տեղեկացնում է ՌԻԱ Նովոստիին:
«Նախագահը կընդունի ՀԱՊԿ-ի գլխավոր քարտուղար Խաչատուրովին»,-հայտնել է Պեսկովը: «Նոյեմբերի 30-ին Մինսկում տեղի է ունենալու Հավաքական անվտանգության խորհրդի նիստը»,-հիշեցրել է նա: ՀԱՊԿ-ի մամուլի քարտուղար Վլադիմիր Զայնետդինովի տվյալներով՝ Խաչատուրովը Պուտինին կտեղեկացնի Հավաքական անվտանգության խորհրդի նիստի նախապատրաստման ընթացքի, ինչպես նաեւ կազմակերպության ընթացիկ գործունեության մասին:
