Գիտնականները բացահայտել են ուղեղի ծերացման պատճառը
Վաշինգտոնի՝ Ուղեղի հետազոտության իստիտուտի գիտնականները պարզել են, որ ուղեղի ծերացումը եւ ճանաչողական ունակությունների նվազումը կապված է թիթեղիկների կուտակման եւ նյարդաթելիկների հանգույցների առաջացման, ինչպես նաեւ գեների ակտվիության փոփոխման հետ: Այս մասին հաղորդվում է MedicalXpress կայքում հրապարակված մամուլի տեղեկագրում:
Հետազոտողները վերլուծման են ենթարկել 65-90 տարեկան 107 տարեց մարդկանց ուղեղի նմուշները: Նյարդային հյուսվածքների գունավորումը տիոֆլավին T դեղին ներկանյութի միջոցով թույլ է տվել հայտնաբերել մեծ քանակությամբ ամիլոիդային թիթեղիկներ՝ բետա-ամիլոիդների պեպտիդների կուտակումներ, որոնք կապված են Ալցհայմերի հիվանդության զարգացման հետ, եւ պրոտեինային միահյուսված թելիկներ (նյարդաբրիլյար հանգույցներ):
