«Լավ կլիներ խաղալ մինչև 40 տարեկանը, ինչպես Գիգզը». Խուան Մատա
29-ամյա կիսապաշտպան Խուան Մատան չի բացառում, որ կավարտի կարիերան «Մանչեսթեր Յունայթեդում», իսկ ֆուտբոլ կխաղա մինչև 40 տարեկանը՝ «մանկունյանցիների լեգենդար ֆուտբոլիստ Ռայան Գիգզի օրինակով: Մատայի գործող պայմանագրի ժամկետը «Մանչեսթեր Յունայթեդի» հետ լրանում է հաջորդ ամռանը:
«Իսկ ինչո՞ւ ոչ: Ես 29 տարեկան եմ և հույս ունեմ, որ կկարողանամ ֆուտբոլ խաղալ ևս մի քանի տարի: Լավ կլիներ խաղալ, քանի դեռ չի լրացել իմ 40-ը, ինչպես Ռայան Գիգզը: Բայց մինչ այդ դեռ շատ կա՝ 11 տարի: Երբեք չգիտես, թե ինչ կարող է պատահել ֆուտբոլում և կյանքում: Բայց ես երջանիկ եմ այստեղ»,- իսպանացու խոսքերն է մեջբերում ESPN FC-ն:
Մատան «Կարմիր սատանաների» ֆուտբոլիստ է 2014 թվականից: Թիմի կազմում նա անցկացրել է 159 խաղ, դարձել է 37 գոլի և 27 փոխանցման հեղինակ:
Պատրաստեց Անի Գաբուզյանը
