Հրդեհ Աչաջուր գյուղում. մեկնել է երեք մարտական հաշվարկ
Նոյեմբերի 19-ին, ժամը 21:13-ին ահազանգ է ստացվել, որ Տավուշի մարզի Աչաջուր գյուղում այրվում է անասնակեր:
Դեպքի վայր է մեկնել երեք մարտական հաշվարկ:
Պարզվել է, որ Աչաջուր գյուղի «Հայփոստի» հարևանությամբ այրվում է մոտ 20 տ անասնակեր:
Հրդեհը մեկուսացվել է նոյեմբերի 20-ին ժամը 02:45-ին, մարվել՝ 12:31-ին:
Ամբողջությամբ այրվել է 32-րդ փողոցի տներից մեկի բակում գտնվող անասնագոմը (մոտ 30 քմ) և մոտ 30 տ անասնակեր:
