Ավանում 51-ամյա տղամարդու սպանության մեջ մեղադրվում է երիտասարդ կին
Երևանում հունիսին 51-ամյա տղամարդու սպանության համապ մեղադրանք է առաջադրվել երիտասարդ կնոջ։ Այս մասին «Փաստինֆո»-ին հայտնել են ՀՀ քննչական կոմիտեից՝ մեր գրավոր հարցմանն ի պատասխան՝ նշելով, որ երիտասարդ կնոջը մեղադրանք է առաջադրվել ՀՀ քրեական օրենսգրքի 108-րդ հոդվածով, այն է՝ անհրաժեշտ պաշտպանության սահմանազանցմամբ սպանություն։
Ահասարսուռ դեպք էր տեղի ունեցել. սպանվել էր 51-ամյա տղամարդը՝ իր տան մեջ։ Նրա դին հայտնաբերվել է իր իսկ անկողնում ՝ կիսամերկ և գլխի շրջանում բազմաթիվ վնասվածքներով:
«Փաստինֆո»-ի տեղեկություններով՝ դեպքի պահին երիտասարդ կինը եղել է իր մանկահասակ երեխայի հետ։ Մեղադրյալի նկատմամբ որպես խափանման միջոց է ընտրվել ստորագրություն չհեռանալու մասին։
Շարժառիթը հայտնի է, ինչի մասին քննչական կոմիտեից հրաժարվեցին տեղեկություն տրամադրել՝ նշելով քրեական գործի առանձնահատկությունը։
Սպանվածի գլխի շրջանում եղել են բռնության հետքեր. Քննչական կոմիտեն՝ 51-ամյա տղամարդու սպանության մասին
«Քրեական գործի նախաքննությամբ պարզվել է, որ տղամարդուն կյանքի հետ անհամատեղելի մարմնական վնասվածքները պատճառվել են արդուկով, փաստական տվյալներ ձեռք բերվել շարժառիթի վերաբերյալ, սակայն վարույթի մասնակիցների մասնավոր կյանքի իրավունքը հարգելով այլ տեղեկություններ հրապարակման ենթակա չեն»,- նշել են Քննչական կոմիտեից։
51-ամյա տղամարդու վրա՝ գլխի շրջանում, հայտնաբերվել է 4 «սալջարդ վերք» մարմնական վնասվածք: Դեպքի վայրի զննությամբ առգրավվել է սպանության գործիք արդուկը:
Աղբյուր` Փաստինֆո
