Էրդողանը նոյեմբերի 22-ին կայցելի Ռուսաստան. Milliyet
Թուրքիայի նախագահ Ռեջեփ Թայիփ Էրդողանը նոյեմբերի 22-ին պաշտոնական այցով կժամանի Ռուսաստան: Այդ մասին հայտնել է Milliyet թերթը: ԶԼՄ-ների տվյալներով՝ այցի ընթացքում Էրդողանը ծրագրում է հանդիպել ՌԴ նախագահ Վլադիմիր Պուտինի հետ:
Կրեմլի մամուլի ծառայությունը դեռեւս չի պատասխանել ՏԱՍՍ-ի այն հարցմանը, թե իրոք նման հանդիպում է պլանավորվում: Բացի այդ, NTV-ի տվյալներով, Սոչիում պետք է եռակողմ գագաթնաժողով կայանա Սիրիայում հրադադարի շուրջ, որին, ՌԴ-ից եւ Թուրքիայից բացի, կմասնակցի նաեւ Իրանը: Սակայն հեռուստաալիքը չի ճշտում, թե ով է Թեհրանը ներկայացնելու առաջիկա հանդիպմանը:
