Սոչիում Պուտինը հանդիպում կանցկացնի Էրդողանի հետ
ՌԴ-ի նախագահ Վլադիմիր Պուտինը նոյեմբերի 13-ի օրվա երկրորդ կեսին Սոչիում Թուրքիայի իր պաշտոնակից Ռեջիփ Թայիփ Էրդողանի հետ կայանալիք հանդիպմանը կքննարկի ահաբեկչության դեմ պայքարը եւ Սիրիայի իրադրությունը, տեղեկացնում է ՌԻԱ Նովոստիին:
Ինչպես ավելի վաղ հայտնել է Կրեմլի մամուլի ծառայությունը, երկու ղեկավարների շփումների ընթացքում պլանավորվում են կարծիքների փոխանակում տարածաշրջանային եւ միջազգային հարցերի շուրջը, ինչպես նաեւ առեւտրատնտեսական կապերի ամրապնդման եւ էներգետիկական ոլորտում համագործակցության հեռանկարների քննարկումը:
Առաջիկա հանդիպումը կդառնա այս տարի Պուտինի եւ Էրդողանի՝ թվով արդեն հինգերորդ հանդիպումը:
