Ճապոնիայում վերահսկողությունից դուրս եկած դրոնն ընկել է բազմության մեջ
Ճապոնիայի Օգակի քաղաքում ռոբոտատեխնիկայի շոուի վեց այցելուներ վերքեր են ստացել այն բանից հետո, երբ չորսկիլոգրամանոց դրոնը կորցրել է կառավարումը եւ ընկել բազմության մեջ:
Այս մասին հայտնել է Daily Mail-ը: Տեսագրության մեջ երեւում է, թե ինչպես է անօդաչու թռչող ապարատը բարձրությունից կոնֆետներ ցած նետում այցելուների համար, ինչից հետո կտրուկ իջնում է եւ մխրճվում կանգնած մարդկանց մեջ: Նշվում է, որ տուժածները միայն կտրած վերքեր եւ ծեծվածքներ են ստացել, հաղորդել է ՌԻԱ Նովոստին:
