Պուտինը և Թրամփը կհանդիպեն նոյեմբերի 10-ին
Ռուսաստանի նախագահ Վլադիմիր Պուտինն ԱՄՆ-ի իր պաշտոնակից Դոնալդ Թրամփի հետ Վիետնամում կհանդիպի նոյեմբերի 10-ին:
Այդ մասին լրագրողներին հայտնել է ռուսական պետության ղեկավարի օգնական Յուրի Ուշակովը: «Ներկայում համաձայնեցվում է հանդիպման ժամանակը, դա կլինի նոյեմբերի 10-ը»,-ասել է նա:
Ավելի վաղ Ուշակովը հայտարարել է, որ Պուտինը եւ Թրամփը Վիետնամում Ասիախաղաղօվկիանոսյան տնտեսական համագործակցության գագաթնաժողովի շրջանակներում կայանալիք հանդիպմանը կարող են քննարկել Սիրիայի եւ Կորեական թերակղզու իրադրությունը, ինչպես նաեւ երկկողմ հարաբերությունները, հաղորդել է ՏԱՍՍ-ը:
