Կոլումբիայում 12 տոննա քաշով կոկաինի ռեկորդային խմբաքանակ են բռնագրավել
Կոլումբիայում 12 տոննա քաշով կոկաինի ռեկորդային խմբաքանակ են բռնագրավել: Այդ մասին հայտնել է երկրի նախագահ Խուան Մանուել Սանտոսը:
«Այն ժամանակվանից, երբ մենք ավելի քան 40 տարի առաջ սկսեցինք պայքարել թմրաթրաֆիքի դեմ, մեզ երբեք չի հաջողվել նման քանակությամբ կոկաին բռնագրավել»,- հայտարարել է Սանտոսը լրագրողներին: RCN ռադիոն նշել է, որ ազգային ոստիկանության գործողությունը կրում էր «Ագամեմնոն-2» անվանումը և անցկացվել է Անտիոքիայի դեպարտամենտում: Թմրանյութերի առգրավված ռեկորդային խմբաքանակը պատկանում էր Կոլումբիայի ամենախոշոր ելուզակախմբերից մեկին՝ «Կլան դե Գոլֆո» խմբավորմանը:
Ինչպես հայտնել է Կոլումբիայի պաշտպանության նախարար Լուիս Կառլոս Վիլեգասը, բռնագրավված կոկաինը գնահատվում է 350 մլն դոլար, հաղորդել է ՌԻԱ Նովոստին:
