Մասիմիլիանո Ալեգրին՝ ՊՍԺ-ի մարզչի պաշտոնի թեկնածուների ցուցակում
Մրցաշրջանի ավարտից հետո ՊՍԺ-ն մտադիր է բաժանվել Ունայի Էմերիից և փոխարինել նրան եվրոպական լավագույն մարզիչներից մեկով:
Եթե ՊՍԺ-ն ընթացիկ մրցաշրջանում չհաղթի Չեմպիոնների լիգան, ապա Ունայի Էմերիի կարիերան փարիզյան թիմում կավարտվի: Ավելի վաղ հաղորդվել էր, որ պաշտոնի պոտենցիալ փոխարինողների ցանկում են գտնվում Ժոզե Մոուրինիոն, Անտոնիո Կոնտեն և Մաուրիսիո Պոչետինոն:
Սակայն Mundo Deportivo-ն պնդում է, որ վերջերս եռյակը փոխակերպվել է քառյակի, քանի որ ՊՍԺ-ի ղեկավարությունը դիտարկում է նաև «Յուվենթուսի» մարզիչ Մասիմիլիանո Ալեգրիի թեկնածությունը:
Պատրաստեց Անի Գաբուզյանը
