Ղրիմի հակամենաշնորհային ծառայության ղեկավարին մեռած են գտել իր բնակարանում
ՌԴ Հակամենաշնորհային դաշնային ծառայության Ղրիմի եւ Սեւաստոպոլի վարչության ղեկավար Տիմոֆեյ Կուրաեւին մեռած են գտել իր բնակարանում: Այդ մասին ՏԱՍՍ-ին հայտնել է տարածաշրջանի ուժային կառույցների մի աղբյուր:
«ՀԴԾՎ-ի պետ Տիմոֆեյ Կուրաեւին մեռած են գտել, ըստ նախնական տեղեկատվության՝ նրան կախված են գտել իր բնակարանում: Բոլոր հանգամանքները պարզվում են: Ստուգումը կատարում է Հետաքննչական կոմիտեն»,-ասել է գործակալության զրուցակիցը:
Կուրաեւը ՀԴԾ-ի Ղրիմի վարչությունը ղեկավարում էր 2014 թվականից:
