Մահացել է ամերիկացի աստղանավորդ Ռիչարդ Գորդոնը
88 տարեկան հասակում մահացել է ամերիկացի աստղանավորդ Ռիչարդ Գորդոնը, որը 1969 թվականին ղեկավարում էր Appolo 12-ի հրամանատարական մոդուլը: Այդ մասին իր կայքում հայտնել է ԱՄՆ-ի Օդագնացության եւ տիեզերական տարածության ուսումնասիրման ազգային վարչությունը (NASA):
«NASA-ի նախկին աստղանավորդ Ռիչարդ Գորդոնը՝ Appolo 12-ի՝ Լուսնէջքի երկրորդ առաքելության հրամանատարական մոդուլի օդաչուն, մահացել է 2017 թվականի նոյեմբերի 6-ին»,- ասված է հաղորդագրության մեջ:
1963-ից մինչեւ 1972 թվականն աստղանավորդի իր կարիերայի ընթացքում Գորդոնը Gemihi 11 եւ Appolo 12-ի առաքելությունների կազմում երկու թռիչք է իրականացրել Երկրագնդի սահմաններից դուրս եւ ընդհանուր առմամբ տիեզերքում մնացել է 316 ժամ, երկու անգամ դուրս է եկել բաց տիեզերք:
Լուսնի վրա ԱՄՆ-ի իրականացրած երկրորդ վայրԷջքի ընթացքում Գորդոնը գտնվում էր ուղծրում՝ կառավարելով Yankee Clipper հրամանատարական մոդուլը, հաղորդել է ՏԱՍՍ-ը:
