Ազնվամորու առատ բերք է ստացվում Մարմաշենում
Tsayg.am-ը գրում է. Շիրակի մարզպետ Արթուր Խաչատրյանն այցելել է Մարմաշեն համայնք, եղել ֆերմերային տնտեսությամբ զբաղվող Կարեն Արշակյանի ազնվամորու այգում: Այն հիմնվել է 2012 թվականին: 3 հեկտար ազնվամորու ինտենսիվ այգուց տարեկան շուրջ 7 տոննա բերք է ստացվում: Իրացման խնդիր ֆերմերը չունի, տեղական ընկերություններից մեկի հետ պայմանագիր է կնքել, կիլոգրամը 900-1000 դրամով վաճառում են: Շիրակի մարզում առաջին այգին է, որը կաթիլային եղանակով է ոռոգվում:
