Մահրեզը կարող է տեղափոխվել «Մարսել»
«Լեսթեր Սիթիի» կիսապաշտպան Ռիհադ Մահրեզը հաջորդ տարվա հունվարին կարող է լքել իր ակումբը: Ինչպես հաղորդում է Mundo Deportivo-ն, ալժիրցի ֆուտբոլիստով հետաքրքրվում է «Մարսելը», ով պատրաստ է նրա համար վճարել 26 մլն ֆունտ (մոտ 30 մլն եվրո):
Միևնույն ժամանակ, անգլիական ակումբը չի ցանկանում բաժանվել Մահրեզից, ինչի մասին ավելի վաղ հայտարարել էր «Լեսթերի» նոր գլխավոր մարզիչ Կլոդ Պյուելը:
Ընթացիկ մրցաշրջանում 26-ամյա ֆուտբոլիստը Պրեմիեր լիգայում մասնակցել է 10 հանդիպման, դարձել է 1 գոլի և 4 գոլային փոխանցման հեղինակ:
Նախքան Անգլիայի առաջնություն տեղափոխվելը, Մահրեզն արդեն խաղացել է Ֆրանսիայում՝ «Հավրի» կազմում:
Պատրաստեց Անի Գաբուզյանը
