Ուկրաինայում ձերբակալվել է Արսեն Ավակովի որդին
Ինչպես հաղորդում են ուկրաինական ԶԼՄ-ները, այսօր Ուկրաինայում ձերբակալվել է երկրի ներքին գործերի նախարար Արսեն Ավակովի որդի Ալեքսանդրը։
Ավակովի որդուն ձերբակալել են Ուկրաինայի Ազգային հակակոռուպցիոն բյուրոյի ներկայացուցիչների կողմից անցկացված խուզարկությունից հետո, հայտարարել է նախարարի նախկին խորհրդական Իլյա Կիվան՝ «112 Ուկրաինա» հեռուստաալիքի եթերում:
Վերջինս նշել է, որ Ալեքսանդրն արդեն կապ է հաստատել իր հարազատների հետ: Ըստ Կիվայի խոսքերի՝ Ալեքսանդրին «ցանկանում են զրկել ազատությունից՝ նախարարին (Ուկրաինայի ներքին գործերի նախարար Արսեն Ավակով) մանիպուլյացիայի ենթարկելու և նրա որոշումների վրա ազդելու հնարավորության համար»:
