«Հայ-ռուսական ﬕջտարածաշրջանային համագործակցությունը շարունակում է խթանել տնտեսական կապերի զարգացումը». Սոկոլով
Ռուսաստանի Դաշնության ավելի քան 60 սուբյեկտներ անﬕջական կապեր ունեն Հայաստանի մարզերի հետ: Այդ մասին ՀՀ կառավարությունում լրագրողների հետ զրույցում նշեց Ռուսաստանի տրանսպորտի նախարար, Հայ-ռուսական տնտեսական հարցերով ﬕջկառավարական հանձնաժողովի համանախագահ Մաքսիմ Սոկոլովը:
Վերջինս կարևորեց վերջերս Երեւանում կայացած Հայ-ռուսական ﬕջտարածաշրջանային 6-րդ համաժողովի անցկացումը, որի շրջանակում ստորագրվել է նաև ﬕջտարածաշրջանային համագործակցության զարգացման մասին համաձայնագիր:
«Դա կնպաստի նաև առեւտրաշրջանառության ցավալների աճին: Այս տարի այն արդեն 30 տոկոսով աճել է: Ռուսական արտադրանքի արտահանումը Հայաստան ավելացել է 32 տոկոսով, իսկ հայկական արտադրանքի արտահանումը ՌԴ՝ 22 տոկոսով: Այսօր ﬔր սոցիալ-տնտեսական ու մշակութային կապերի մակարդակը բարձր է ավելի քան երբևէ», – ասաց ՌԴ տրանսպորտի նախարարը:
