Արդշինբանկը ճանաչվել է Հայաստանի «Տարվա ամենահուսալի բանկ» Global Finance ամսագրի կողմից
Global Finance ամերիկյան հեղինակավոր ամսագիրն Արդշինբանկին ճանաչել է 2017թ. «Տարվա ամենահուսալի բանկ»: Այս բացառիկ հետազոտության մեջ ներառվել են աշխարհի 106 երկրների առաջատար բանկերը, իսկ ընտրությունը կատարվել է ըստ Moody’s, Standard, Poor’s և Fitch հեղինակավոր միջազգային գործակալությունների կողմից գնահատված արտարժույթով երկարաժամկետ պարտավորությունների և 1000 խոշորագույն բանկերի ընդհանուր ակտիվների ցուցանիշների:
«Այս մրցանակը միջազգային փորձագետների կողմից մեր աշխատանքի ամենամեծ գնահատականներից է, ինչը նշանակում է, որ մենք շարժվում ենք ճիշտ ուղղությամբ: Այն հանգամանքը, որ Արդշինբանկը արժանացել է «Տարվա ամենահուսալի բանկ» տիտղոսին միաժամանակ պատվաբեր է և պարտավորեցնող», – նշեց Արդշինբանկի վարչության նախագահ Մհեր Գրիգորյանը:
«Չնայած տարբեր տարածաշրջաններում և ամբողջ աշխարհում ֆինանսական կանոնների ներդաշնակությանն ուղղված ջանքերին, յուրաքանչյուր երկիր յուրահատուկ է իր օրենքներով, ռիսկերով և ռեսուրսներով: Նրանք, ովքեր կարողանում են տալ անհատական լուծումներ և կիրառել ժամանակակից տեխնոլոգիաներ, մշտապես գերազանցում են իրենց մրցակիցներին», – նշեց Global Finance-ի հրատարակիչ և խմբագիր Ջոզեֆ Դ. Ջիարրափուտոն:
Հիշեցնենք, որ Արդշինբանկը Հայաստանի միակ մասնավոր կառույցն է, որն ունի միջազգային հեղիանակավոր վարկանշային երկու գործակալություններից (Moody’s և Fitch) ստացված վարկանիշ` հավասար Հայաստանի Հանրապետության վարկանշային մակարդակին:
Global Finance ամսագրի կողմից «Տարվա ամենահուսալի բանկ» ճանաչված բանկերի ամբողջական ցանկին կարող եք ծանոթանալ հետևյալ հղումով:
***
Արդշինբանկը հանդիսանում է Հայաստանի խոշորագույն բանկը և ունի լայն մասնաճյուղային ցանց (64 մասնաճյուղ): Բանկը Հայաստանի միակ մասնավոր կառույցն է, որն ունի միջազգային հեղիանակավոր վարկանշային երկու գործակալություններից (Moody’s և Fitch) ստացված վարկանիշ` հավասար Հայաստանի Հանրապետության վարկանշային մակարդակին:
«Արդշինբանկ» ՓԲԸ
