«Մխիթարյանի էներգիան բավարար չէր հաղթելու համար». Մխիթարյանի խաղի գնահատականը

Անգլիայի առաջնության 9-րդ տուրում «Մանչեսթեր Յունայթեդը» կրեց իր առաջին պարտությունը՝ հյուրերի հարկի տակ պարտվելով 1:2 հաշվով:  «Հադերսֆիլդիի» հետ խաղից հետո մամուլը խոսում էր մանչեսթերյան ակումբի ֆուտբոլիստների հոգնած տեսքի և Մոուրինիոյի ռոտացիաների մասին, որոնք, ըստ փորձագետների՝ պարտության պատճառ դարձան:

Ավելի ուշ Մոուրինիոն նշեց, որ 4 ֆուտբոլիստի փոփոխություն էր կատարել միայն այն պատճառով, որ ուզում էր թիմին թարմություն և ինտենսիվություն հաղորդել:

Այս խաղում մեկնարկային կազմում չէր նաև Հայաստանի ազգային հավաքականի ավագ Հենրիխ Մխիթարյանը: Մխիթարյանը խաղադաշտ մտավ 2-րդ խաղակեսի սկզբնամասում:

Գրեթե բոլոր պարբերականների կողմից Մխիթարյանը ստացել է միջին գնահատական՝ 5-7:

90min-ը Մխիթարյանի խաղը գնահատել է 6՝ հնարավոր 10-ից:

Պարբերական գրում է, որ Մխիթարյանը 2-րդ խաղակեսում էներգիա և թարմություն հաղորդեց մանչեսթերցիների կիսպաշտպանությանը, սակայն դա բավական էր հաղթելու համար:

Սիրարփի Աղաբաբյան