Իսպանիայի կառավարությունն արտահերթ նիստում կհստակեցնի Կատալոնիայի ինքնավարությունը սահմանափակելու քայլերը
Իսպանիայի նախարարների խորհուրդն արտահերթ նիստում կհստակեցնի կատալոնական ճգնաժամը կարգավորելու գործողությունները: Այս մասին հայտնում է «Ռիա նովոստի»-ն:
Կառավարությունը, վերջապես, պետք է հստակեցնի, թե ինչ եղանակով է օգտագործվելու Իսպանիայի Սահմանադրության 155-րդ հոդվածը, որը հնարավորություն է տալիս սահմանափակել ավտոնոմ հասարակության ինքնավարությունը: Դրանից հետո հոդվածը կիրառելու հարցը կներկայացվի Սենատի հավանությանը:
Իսպանիայի Սահմանադրության 155-րդ հոդվածը 1978թ. ընդունվելուց ի վեր ոչ մի անգամ չի կիրառվել:
