Իրաքի դատարանը Քրդստանի փոխնախագահի ձերբակալման որոշում է կայացրել
Իրաքի դատարանը Իրաքյան Քրդստանի փոխնախագահ Քոսրաթ Ռասուլի ձերբակալման կալանագիր է տվել: Այդ մասին հայտնել է «Ռուդաու» քրդական հեռուստաալիքը:
Նշվել է, որ դատարանի այս կարգադրության պատճառը դարձել է քուրդ փոխնախագահի հայտարարությունն այս մասին, որ Քիրկուկ մտած իրաքցի զինվորականները «զավթիչներ» են: Ընդ որում Ռասուլին կարող է քրեական պատասխանատվություն սպառնալ յոթ տարվա ազատազրկման տեսքով՝ ատելություն բորբոքելու համար:
Անցած շաբաթ Ռասուլը հրաման էր տվել քրդական աշխարհազորի՝ «փեշմերգայի» 6 հազար մարտիկների Քիրկուկի շրջան փոխադրելու մասին, ինչպես նաեւ հայտարարել էր, որ Քրդաստանը որեւէ կողմի սպառնալիքներից չի վախենում, հաղորդել է «Ինտերֆաքս»-ը:
