Լուիշ Ֆիգուն դարձել է ՈՒԵՖԱ-ի նախագահի խորհրդական
Պորտուգալացի լեգենդար ֆուտբոլիստ Լուիշ Ֆիգուն դարձել է ՈՒԵՖԱ-ի նախագահի խորհրդական:
Այս մասին հայտնում է ՈՒԵՖԱ-ն: Ֆիգուն կհամագործակցի ՈՒԵՖԱ-ի հետ` լինելով ՈՒԵՖԱ-ի նախագահ Ալեքսանդր Չեֆերինի խորհրդականը: «Ֆիգուն այն օրինակն է, թե ինչպես պետք է պահի ֆուտբոլիստն իրեն խաղադաշտում և դրանից դուրս»,-ասել է Չեֆերինը:
Լուիշ Ֆիգուն 1991-2006 թվականներին հանդես է եկել Պորտուգալիայի ֆուտբոլի ազգային թիմում (127 խաղ, 32 գոլ): Նա խաղացել է նաև «Սպորտինգ»-ում, «Բարսելոնա»-ում, «Ռեալ»-ում և «Ինտեր»-ում:
