Մովսես Հակոբյան. «Հայաստանի համար կարևոր են ՀԱՊԿ հավաքական ուժերը»
Հայաստանը մեծ նշանակություն է տալիս ՀԱՊԿ Օպերատիվ արձագանքման հավաքական ուժերի համակազմերին, որը կարևորագույն գործիք է միջազգայի հարաբերութուններում բախումնային իրավիճակները նվազեցնելու, ճգնաժամերը կարգավորելու համար։
ՀԱՊԿ «Փոխգործակցություն-2017» զորավարժության մեկնարկի արարողությանն ասաց ՀՀ Զինված ուժերի պետ, գեներալ-լեյտենանտ Մովսես Հակոբյանը, հայտնում է armeniasputnik.am-ը։
«Տարածաշրջանի ռազմաքաղաքական իրավիճակի վերլուծությունը ցույց է տալիս, որ քաղաքական, տնտեսական, էթնիկ հողի վրա հակամարտությունների առաջացումը շարունակում է շատ բարձր մնալ։ Դրանք հնարավոր չէ ժամանակին կարգավորել առանց ՀԱՊԿ օպերատիվ արձագանքման ուժերի»,- ասաց Հակոբյանը։
Նա նշեց, որ «Փոխգործակցություն-2017» զորավարժությունները համատեղ օպերատիվ և ռազմական պատրաստության գլխավոր միջոցառումն է։
Ըստ նրա` բոլոր երկրների ներկայությունը վկայում է մարտահրավերներին ու սպառնալիքներին համատեղ արձագանքելու ընդհանուր պատրաստվածության մասին։
ՀԱՊԿ «Փոխգործակցություն-2017» զորավարժությունը մեկնարկել է հոկտեմբերի 9-ին ՀՀ ՊՆ «Բաղրամյան» զորավարժարանում։
