«Ռոսգոսստրախ-Արմենիա»-ից տուժած ընկերությունները որոշել են հարցերը պարզել դատարանում. «Ժողովուրդ»
«Ժողովուրդ» թերթը գրում է. ««Ռոսգոսստրախ-Արմենիա» ապահովագրական ընկերության պատճառով անհարմար վիճակում հայտնված ընկերությունները որոշել են հարցերը պարզել դատարանում:
Թերթը տեղեկացավ, որ հոկտեմբերի 3-ին «Դելտա Քոնսթրաքշն» ՍՊԸ դիմել է Կենտրոն եւ Նորք-Մարաշ վարչական շրջանների ընդհանուր իրավասության դատարան եւ «Ռոսգոսստրախ-Արմենիա» ՓԲԸ-ից պահանջում է փոխհատուցել կրած վնասը: «Դելտա Քոնսթրաքշն»-ի կրած վնասը կազմում է 240 հազար դրամ:
Այսպիսով՝ ստեղծվել է այնպիսի վիճակ, որ ընկերությունները պատահարների դեպքում հույսը դնում են ապահովագրական ընկերության վրա, բայց ընկերությունը նրանց չի փոխհատուցում կրած վնասի համար, ընդ որում, միայն «Ռոսգոսստրախ-Արմենիա» ընկերությունը չէ, որ այդպես է վարվում»:
Ամբողջությամբ կարող եք կարդալ «Ժողովուրդ» թերթի այսօրվա համարում:
