ԱԻՆ-ը մանրամասներ է հայտնում Երևանի կենտրոնում բռնկված հրդեհից
Հոկտեմբերի 5-ին՝ ժամը 21:10-ին, ահազանգ է ստացվել, որ հրդեհ է բռնկվել Երևան քաղաքի Հանրապետության փողոցի թիվ 79 շենքի բնակարաններից մեկում: Դեպքի վայր են մեկնել երկու մարտական հաշվարկ և մեկ ավտոսանդուղք: Այս մասին հայտնում է ՀՀ արտակարգ իրավիճակների նախարարությունը։
Պարզվել է, որ հրդեհ է բռնկվել 4-րդ հարկի Գ. Գ.-ի բնակարանի խոհանոցում:
Հրդեհը մեկուսացվել է ժամը 21:40-ին, մարվել` 22:06-ին:
Այրվել են սառնարան, մասամբ խոհանոցի գույքը (մոտ 3 քմ), առաստաղի փրփրապլաստե երեսպատումը (մոտ 6 քմ) և ջերմահարվել ավելացրած հարկի (5-րդ) ծածկը:
