«Արցախը ՀԱՊԿ պայմանագրի մասնակից չէ, ՀԱՊԿ-ը ի՞նչ գործ ուներ ապրիլյան պատերազմի ժամանակ». Վաղարշակ Հարությունյան
«Արցախը ՀԱՊԿ պայմանագրի մասնակից չէ, ՀԱՊԿ-ը ի՞նչ գործ ուներ ապրիլյան պատերազմի ժամանակ։ ՀԱՊԿ-ի իրավական դաշտը և աշխարհագրությունը Հայաստանն է»,- այսօր լրագրողների հետ հանդիպման ընթացքում այս մասին հայտարարեց ՀՀ պաշտպանության նախկին նախարար Վաղարշակ Հարությունյանը։
Նա նշեց, որ ՀԱՊԿ-ին անդամակցելը չի կաշկանդում Հայաստան-ՆԱՏՕ համագործակցությանը․
«Մենք գործում ենք ՆԱՏՕ-ի հետ անհատական համագործակցության ծրագրի շրջանակներում։ Նույն ծրագրի շրջանակներում են գործում նաև Վրաստանն ու Ուկրաինան։ Ո՞նց եղավ, որ Հայաստանը մի կողմից ունի երաշխավորված պայմանագիր, որտեղ ՀԱՊԿ-ն և Ռուսաստանը ապահովում են մեր անվտանգությունն ագրեսիայի դեպքում, մենք ունենք համագործակցություն ՆԱՏՕ-ի շրջանակներում, իսկ ՆԱՏՕ-ն ո՛չ Ուկրաինային, ո՛չ Հայաստանին, ո՛չ Ադրբեջանին անվտանգության որևէ երաշխիք չի տալիս»։
