«Լիվերպուլը» Տիմո Վերների համար կպայքարի «Ռեալի» և «Բարսելոնայի» հետ
«Կարմիրները» հետաքրքրված են «Լեյպցիգի» հարձակվող Տիմո Վերների ձեռքբերման մեջ:
Նախօրեին «Լիվերպուլի» գլխավոր մարզիչ Յուրգեն Կլոպը հայտարարել էր, որ հարձակվողների հետ կապված իր թիմում ամեն ինչ նորմալ է: Այնուամենայնիվ, «կարմիրներն» արդեն սկսել են կենտրոնական հարձակվողի դիրքը ուժեղացնելու ուղղությամբ աշխատանքները:
Մերսիսայդցիները մտադիր են պայքարել «Լեյպցիգի» հարձակվող Տիմո Վերների համար, ում իրենց շարքերում են ուզում տեսնել «Ռեալը» և «Բարսելոնան»: «Լիվերպուլը» պլանավորում է ձեռք բերել 21-ամյա ֆուտբոլիստին արդեն ձմեռային տրանսֆերային պատուհանի ժամանակ:
Ընթացիկ մրցաշրջանում Բունդեսլիգայի 6 խաղերում Վերները դարձել է 5 գոլի հեղինակ:
Ավելի վաղ Տիմոն հարցազրույցում հայտարարել էր, որ իրեն շատ հաճելի է հետաքրքրությունը «Ռեալի» կողմից:
Պատրաստեց Անի Գաբուզյանը
