Բալիում արդեն ավելի քան 135 հազար մարդ են տարհանել հրաբխի ակտիվության պատճառով
Ինդոնեզիայի փրկարար ծառայություններն ավելի քան 135 հազար մարդու են տարհանել Բալի կղզուց Ագունգ հրաբխի աճող ակտիվության պատճառով, ինչի մասին սեպտեմբերի 29-ին հայտնել են արեւմտյան ԶԼՄ-ները:
Ինդոնեզիայի հրաբխային ակտիվության ուսումնասիրման ազգային կենտրոնում ճշտել են, որ Ագունգի ժայթքման սպառնալիքի մակարդակը առավելագույն բարձր է մնում: Նշվում է, որ հրաբխի շրջանում գրանցվել են ինտենսիվ ստորգետնյա ցնցումներ: Վերջին անգամ Ագունգը ժայթքել է 1963 թվականին: Այն ժամանակ տարերքի զոհ դարձավ 1100 մարդ, հաղորդել է «Ինտերֆաքս»-ը:
