«Ադրբեջանի լվացքատան» գործով լիարժեք հետաքննություն է իրականացվում ՄԹ խորհրդարանական հանձնաժողովում
Միացյալ Թագավորության արտաքին գործերի և համագործակցության նախարարության Եվրոպայի և Ամերիկաների նախարար Սըր Ալան Դանքընը գտնում է, որ «Ադրբեջանի լվացքատան» գործով լիարժեք հետաքննություն է իրականացվում ՄԹ խորհրդարանական հանձնաժողովում:
Այսօր ՀՀ ԱԺ-ում «Միացյալ Թագավորություն և Հայաստան-խորհրդարանական ժողովրդավարության գործընկերներ» խորագրով միջոցառման ժամանակ, պատասխանելով պատգամավոր Նաիրա Զոհրաբյանի հարցին, թե արդյոք բրիտանական «The Guardian»-ի բացահայտումների արդյունքում Ադրբեջանի ղեկավարությունը պատասխանատվություն կկրի՞, Դանքընը նշեց, որ որպես նախարար ինքը պետք է մի քիչ հեռու մնա խորհրդարանից, և ոչ թե ընտրված պատգամավորներին ասեն ինչ անել:
«Դուք խոսում եք Պահպանողական կուսակցության անդամի հետ և մենք վերջին տարիներին «The Guardian»-ի կողմից պարբերաբար հարձակումների ենք ենթարկվել:
«The Guardian»-ը մեր նախընտրած թերթը չէ, բայց նրանք լավ հետաքննություններ են անում»,- նկատեց Դանքընը:
