«Կան ակնառու, խայտառակ փաստեր, թե ինչպես են համառորեն, հետևողական ոչնչացնում մեր անկախությունը». Արամ Մանուկյան
«Այսօր, ցավոք սրտի, անկախության գործընթացն այն մարդկանց ձեռքին է, որոնք ադրբեջանական դաստիարակություն են ստացել, սովետական պրեսի տակ են մեծացել և պաշտոններ վաստակել, կոմունիստ են եղել և այդ արժեքը չեն հասկանում, չեն գիտակցում»,- այսօր լրագրողների հետ հանդիպման ժամանակ նման տեսակետ հայտնեց «Հայ ազգային կոնգրես» կուսակցության քարտուղար Արամ Մանուկյանը:
Նրա խոսքով՝ կան ակնառու, խայտառակ փաստեր, թե ինչպես են համառորեն, հետևողական ոչնչացնում մեր անկախությունը. «Երեք փաստարկ եմ ասում, որ այս պահին այս իշխանությունը կործանում է մեր անկախությունը՝ լեզու, կրթություն, և ոչնչացվում է տեղական ինքնակառավարման համակարգը: Սրանք պետական անկախության, սուվերենության սյուներ են, մեր իշխանությունները հետևողականորեն ոչնչացնում են դրանք: Հայաստանն օր օրի կորցնում է իր սուվերենությունը՝ իր իշխանությունը պահպանելու համար»:
