Գվարդիոլան շնորհակալություն է հայտնել «Մանչեսթեր Սիթիի» ղեկավարությանը տրանսֆերների համար
«Մանչեսթեր Սիթիի» գլխավոր մարզիչ Պեպ Գվարդիոլան գոհ է ակումբի տրանսֆերային քաղաքականությունից: Ամռանը «Մանչեսթեր Սիթին» տրանսֆերների վրա ծախսեց 244 մլն եվրո, ինչը դարձավ ռեկորդ ամբողջ աշխարհում:
Այսպիսով, «Մանչեսթեր Սիթին» ձեռք բերեց Բենժամեն Մենդիին (57.5 մլն եվրո), Կայլ Ուոքերին (51), Բերնարդու Սիլվային (50), Էդերսոնին (40), Դանիլոյին (30), Դուգլաս Լուիսին (12) և Օլարենվաջու Կայոդեին (3.8):
Մեկնարկային 5 տուրերից հետո Գվարդիոլայի թիմի ակտիվում կա 4 հաղթանակ և 1 ոչ-ոքի՝ գնդակների 16:2 տարբերությամբ:
«Նախորդ մրցաշրջանը մենք նույնպես լավ սկսեցինք, չի կարելի մոռանալ այն մասին, որ մենք դեռ մեկնարկում ենք: Ցանկանում եմ ևս մեկ անգամ շնորհակալություն հայտնել ակումբին նոր ֆուտբոլիստների համար. փոփոխությունները թիմում օգնում են բոլոր «քաղաքայիններին» ավելի լավ խաղալ»,- ասել է Պեպ Գվարդիոլան:
Պատրաստեց Անի Գաբուզյանը
