Ստամբուլի հայկական եկեղեցուց գողություն է կատարվել
Ստամբուլի Բեյօղլու շրջանում գտնվող Սուրբ Գրիգոր Լուսավորիչ հայկական եկեղեցուց գողություն է կատարվել:
Ինչպես տեղեկացնում է «Ntv» լրատվամիջոցի թուրքական ծառայությունը, կողոպտիչներին հաջողվել է եկեղեցուց մի քանի իր գողանալ: Սակայն նրանք ստիպված են եղել փախչել, երբ նրանց նկատել են մեծ սրբապատկերը և խաչը եկեղեցուց դուրս բերելիս: Սրբապատկերը և խաչը դրսում թողնելով նրանք փախել են՝ իրենց հետ տանելով գողացված որոշ պարագաներ:
Դեպքի վայր է ժամանած ոստիկանությունը հետաքննություն է սկսել:
