Լավրովը և Թիլերսոնը քննարկել են Սիրիայի ապաէսկալացման գոտիները
Ռուսաստանի եւ ԱՄՆ-ի արտաքին քաղաքական գերատեսչությունների ղեկավարներ Սերգեյ Լավրովը եւ Ռեքս Թիլերսոնը քննարկել են Սիրիայի ապաէսկալացման գոտիների շուրջ երկու երկրների փոխգործակցության հեռանկարները: Այդ մասին հայտնել է ՌԴ ԱԳ նախարարությունը:
«Արտաքին քաղաքական գերատեսչությունների ղեկավարները քննարկել են սիրիական հակամարտության լուծման շուրջ հետագա փոխգործակցության հեռանկարները՝ ապաէսկալացման գոտիների կայուն գործառման շեշտադրումով»,- նշել են Ռուսաստանի դիվանագիտական գերատեսչությունում:
Սիրիայի ապաէսկալացման գոտիների աշխատանքը քննարկվում է Աստանայում՝ սեպտեմբերի 15-ին ավարտվող բանակցությունների վեցերորդ փուլում: Այդ գոտիներից մեկը՝ Սիրիայի հարավում, ստեղծվել է ԱՄՆ-ի եւ Հորդանանի մասնակցությամբ, հաղորդել է ՏԱՍՍ-ը:
