Արդշինբանկը մասնակցում է Հովհաննես Այվազովսկու ծննդյան 200-ամյակին
Արդշինբանկը մասնակցում է Հովհաննես Այվազովսկու ծննդյան 200-ամյակին նվիրված միջոցառումներին, մասնավորապես սեպտեմբերի 14-ին Հայաստանի ազգային պատկերասրահում կայանալիք աշխարհահռչակ ծովանկարչի ստեղծագործությունների «Արարում» հանդիսավոր ցուցահանդեսին, որտեղ հյուրերը նաև կստանան բանկի կողմից թողարկված ծովանկարչի աշխատանքներով օրացույցներ:
Նշենք, որ մեծ ծովանկարիչ Այվազովսկու ծննդյան 200-ամյա հոբելյանին նվիրված՝ Արդշինբանկը թողարկել է օրացույցներ ծովանկարչի աշխատանքներով: Օրացույցում տեղ են գտել նկարչի այնպիսի աշխատանքներ ինչպիսիք են «Նոյն իջնում է Արարատից», «Լուսնյակ գիշեր. Կոնստանդնուպոլիս», «Ձկնորսները ծովափին», «Թեոդոսիայի ծովածոցը. Արևածագ», «Նավաբեկությունից փրկվողները» և այլն: Օրացույցում ներառված բոլոր աշխատանքները պահվում են Հայաստանի ազգային պատկերասրահում և հանդիսանում են մեր երկրի հարստությունն ու սեփականությունը:
«Մշակութային ոլորտի աջակցությունն այսօր Արդշինբանկի սոցիալական ռազմավարության առաջնային ուղղություններից մեկն է, քանի որ մենք կարևորում ենք այս ոլորտի զարգացումը, մշակութային ժառանգության պահպանումը և դրա փոխանցումը սերնդեսերունդ: Համագործակցելով Հայաստանի ազգային պատկերասրահի հետ` մենք թողարկեցինք ծովանկարչի աշխատանքներով հոբելյանական օրացույց: Այդպիսով մենք մեր հարգանքի տուրքն ենք մատուցում հայազգի զավակ աշխարհահռչակ հանճարի լուսավոր հիշատակին, նրա անգնահատելի ներդրմանը համաշխարհային արվեստի զարգացման գործում»,- նշեց Արդշինանկի Ռազմավարական զարգացման տնօրեն Արմեն Գասպարյանը:
Հավելենք նաև, որ Արդշինբանկի հոբելյանական օրացույցը պատվոգիր է շահել ՀՀ Կենտրոնական բանկի կողմից և «Ֆինանսավարկային կազմակերպությունների օրացույց 2017» մրցույթում տեղ է գրավել հաղթող եռյակում:
***
Արդշինբանկը հանդիսանում է Հայաստանի խոշորագույն բանկերից մեկը և ունի լայն մասնաճյուղային ցանց (64 մասնաճյուղ): Բանկը Հայաստանի միակ մասնավոր կառույցն է, որն ունի միջազգային հեղիանակավոր վարկանշային երկու գործակալություններից (Moody’s և Fitch) ստացված վարկանիշ` հավասար Հայաստանի Հանրապետության վարկանշային մակարդակին:
Արդշինբանկ ՓԲԸ
