«Յուրաքանչյուր ֆուտբոլիստ երազում է ստանալ «Ոսկե գնդակը», բայց ես այդ մասին չեմ մտածում». Նեյմար
ՊՍԺ-ի հարձակվող Նեյմարը հայտնել է, որ չի մտածում «Ոսկե գնդակ» հեղինակավոր մրցանակը ստանալու մասին, քանի որ կենտրոնացած է ակումբում լավ խաղի վրա: Բրազիլացին գնահատել է նաև Չեմպիոնների լիգան հաղթելու փարիզեցիների շանսերը:
«Իհարկե, յուրաքանչյուր ֆուտբոլիստ երազում է ստանալ «Ոսկե գնդակը», բայց ես այդ մասին չեմ մտածում: Ես պետք է մտածեմ միայն այն մասին, թե ինչպես մաքսիմալ օգուտ բերեմ ակումբին և թիմին:
Մենք գերազանց թիմ ունենք և, եթե մենք շարունակենք շարժվել ճիշտ ուղով, ապա ՊՍԺ-ն լավ շանսեր կունենա, որպեսզի կարողանա հաղթել Չեմպիոնների լիգան»,- Նեյմարի խոսքերն է մեջբերում A Bola-ն:
Պատրաստեց Անի Գաբուզյանը
