«Շատ ուրախ եմ, որ Պետեկամուտների վարչությունն այս անգամ կարողացել է այնպիսի օրենք բերել, որին դեմ քվեարկելը բավականին ռիսկային է». Արամ Սարգսյան
«Ես այս օրենքի ջատագովն եմ, կողմնակիցն եմ»,- այսօր Ազգային ժողովում հայտարարեց «Ելք» խմբակցության պատգամավոր Արամ Սարգսյանը՝ «Ավելացված արժեքի հարկի մասին» Հայաստանի Հանրապետության օրենքում փոփոխություն կատարելու մասին, ինչպես նաև «Հարկերի մասին» Հայաստանի Հանրապետության օրենքում լրացումներ և փոփոխություն կատարելու մասին օրենքների նախագծերի փաթեթի քննարկման ժամանակ:
Նա ասաց, որ ինքը պատրաստ էր նաև այս օրենքի հարակից զեկուցողը լինել. «Որովհետև հասկանում եմ, որ այս օրենքին սպասողները շատ-շատ են: Շատ ուրախ եմ, որ Պետեկամուտների վարչությունն այս անգամ կարողացել է այնպիսի օրենք բերել, որին դեմ քվեարկելը բավականին ռիսկային է, կուզեի, որ դա ձեզ մոտ սովորություն դառնա»:
