Ռուսաստանի, Հայաստանի և Ադրբեջանի հոգևոր առաջնորդները կոչ են արել ազատ արձակել որպես ռազմագերի պահվող անձանց
Հայաստանի, Ադրբեջանի եւ Ռուսաստանի հոգևոր առաջնորդները կոչ են արել ազատ արձակել որպես ռազմագերիներ պահվող քաղաքացիական անձանց, ինչպես նաև դիﬔլ են կողﬔրին՝ կանխելու եկեղեցիների և մզկիթների հանդեպ վանդալիզﬕ դրսևորուﬓերը: Ինչպես հաղորդում է «ՌԻԱ Նովոստի»-ն, այս մասին Աﬔնայն Հայոց Կաթողիկոս Գարեգին Երկրորդի, Ադրբեջանի հոգևոր առաջնորդ, Կովկասի մահﬔդականների վարչության ղեկավար, շեյխուլիսլամ Ալահշուքյուր Փաշազադեի հետ բանակցություններից հետո ասել է Համայն Ռուսիո պատրիարք Կիրիլը:
«Որոշ գործողությունների հետևանքով տուժում են մարդիկ, այդ թվում նաև՝ անﬔղ քաղաքացիներ, ովքեր գտնվում են երկու կողﬔրում գերության ﬔջ, ինչպես նաև այն մարդիկ, ովքեր ընդհանրապես չեն մասնակցել ռազմական գործողություններին և ներկայումս պահվում են որպես ռազմագերի: Մենք կոչ ենք անում ազատ արձակել քաղաքացիական անձանց: Պետք չէ տարածել ռազմական գործողությունների և ռազմագերիների պահման կանոններն այն մարդկանց վրա, ովքեր այդպիսիք չեն հանդիսանում», – ասել է Պատրիարք Կիրիլը:
«Հակամարտության գոտում կան տաճարներ ու մզկիթներ: Կարևոր է, որ դրանք պահվեն պատշաճ կերպով, որպեսզի բացառվեն վանդալիզﬕ դրսևորուﬓերը և որպեսզի ոչ ոք չկարողանա շահարկել կրոնական զգացմունքները՝ բորբոքելով հակամարտությունը, որը պետք է մարվի»,- ասել է պատրիարք Կիրիլը:
