Երևանի բնակչուհուն խոստացել են 200 դոլարով աշխատանքի ընդունել Պաշտպանության նախարարությունում

Դատարան է ուղարկվել խարդախության դեպքով հարուցված քրեական գործը։ Ամբաստանյալի աթոռին են հայտնվել երկու քաղաքացի։

Քրեական գործի շրջանակներում տղամարդուն մեղադրանք է առաջադրվել այն բանի համար, որ նա ուրիշի գույքը խարդախությամբ հափշտակելու հարցի շուրջ նախնական համաձայնության գալով մյուս ամբաստանյալի հետ՝ Երևան քաղաքի բնակչուհուն ՀՀ պաշտպանության նախարարությունում աշխատանքի ընդունելու պատրվակով, վերջինիցս ստացել է զգալի չափերի՝ 95.364 դրամին համարժեք 200 դոլար գումար և խարդախությամբ հափշտակել այն:

Ամբաստանյալ կնոջը մեղադրանք է առաջադրվել այն բանի համար, որ նա ուրիշի գույքը խարդախությամբ հափշտակելու հարցի շուրջ նախնական համաձայնության գալով մյուս ամբաստանյալի հետ՝ Երևան քաղաքի բնակչուհուն ՀՀ պաշտպանության նախարարությունում աշխատանքի ընդունելու պատրվակով, վերջինիցս ստացել է զգալի չափերի՝ 95.364 դրամին համարժեք 200 դոլար գումար և խարդախությամբ հափշտակել այն:

Խափանման միջոց է ընտրվել ստորագրություն չհեռանալու մասին։