«Իրանի հետ ԵԱՏՄ-ի գործընկերության շուրջ բանակցությունները մոտենում են ավարտին». Շուվալով
Իրանի հետ Եվրասիական տնտեսական միության գործընկերության շուրջ բանակցությունները մոտենում են ավարտին: Այդ մասին հայտնել է ՌԴ առաջին փոխվարչապետ Իգոր Շուվալովը՝ Վլադիվոստոկում ելույթ ունենալով Արեւելյան տնտեսական համաժողովում:
«Մենք բանակցություններ ենք վարոմ Սինգապուրի հետ, մենք մոտ ենք Իրանի հետ բանակցություններն ավարտելուն»,- ասել է նա, նշելով, որ բանակցությունները բարդ են:
Ավելի վաղ Եվրասիական տնտեսական հանձնաժողովի առռեւտրի նախարար Վերոնիկա Նիկիշինան հայտնել է, որ ԵԱՏՀ-ն կարող է Իրանի հետ ԵԱՏՄ-ի ազատ առեւտրի գոտու վերաբերյալ ժամանակավոր համաձայնագրի ստորագրման մանդատ խնդրել այս տարվա հոկտեմբերին: Իրանի հետ ինտենսիվ բանակցությունները շարունակվում են արդեն ավելի քան ութ ամիս:
ԵԱՏՄ-ի մեջ մտնում են Հայաստանը, Բելառուսը, Ղազախստանը, Ղրղզստանը եւ Ռուսաստանը, հաղորդել է ՏԱՍՍ-ը:
