Ինչու է հարկավոր կաղամբի հյութ խմել
Sovkusom.ru-ն գրում է, որ կաղամբը մեծ քանակով վիտամիններ ու հանքանյութեր է պարունակում։ Կաղամբի հյութ կարող եք օգտագործել ամեն օր։ Կաղամբին կարող եք նռան, կիտրոնի հյութ ավելացնել, մի քանի հատապտուղ, մեղր, աղացած կարմիր պղպեղ։ Արդյունքում՝ կստանաք ըմպելիքը, որը պարունակում է.
- երկաթ
- յոդ
- նատրիում
- ազոտ
- կալցիում
- մագնեզիում
- կալիում
- ֆոսֆոր
- ֆտոր
- մանգան։
Կաղամբի հյութը կարող է օգտակար լինել մի խումբ հիվանդությունների դեմ պայքարում։
Օգնում է խոցի դեմ պայքարում։ Կաղամբը միացություններ է պարունակում, որոնք կարող են օգնել վերականգնել լորձաթաղանթը՝ պաշտպանելով որովայնն ու նյութափոխանակության համակարգը։
Օգնում է նիհարել։ Կաղամբը խորհուրդ է տրվում նրանց, ովքեր պայքարում են ավելորդ կիլոգրամների դեմ և ցանկանում են գեղեցիկ կազմվածք ունենալ։ Դրանով կարող եք փոխարինել մեծ կալորիականություն ունեցող ըմպելիքը։
Իջեցնում է վատ խոլեստերինի մակարդակը։ Կաղամբից ու բրոկոլիից պատրաստված ըմպելիքն օգնում է իջեցնել արյան մեջ վատ խոլեստերինի մակարդակը։
Լավացնում է մաշկի վիճակը։ Կաղամբը հարուստ է վիտամին C-ով, ինչի արդյունքում դառնում է հրաշալի միջոց մաշկի համար։
Ինչպես պատրաստել կաղամբով հյութ
- 1. Եռացրեք 430 մլ ջուր։ Թողեք սառչի և հասնի սենյակային ջերմաստիճանի։
- 670 գրամ կաղամբը մանրացրեք բլենդերում՝ ավելացնելով ջուրը։
- 24 ժամ թողեք սենյակային ջերմաստիճանի պայմաններում։
Նյութը հրապարակման պատրաստեց 168.am-ը
