Երևանում նշվել է Օլիմպիական օրը
Հայաստանի ազգային օլիմպիական կոմիտեն, Միջազգային օլիմպիական կոմիտեի հովանու ներքո, ավանդության համաձայն Երևանում նշել է «Օլիմպիական օրը»: Այս մասին հայտնում է ՀԱՕԿ-ի պաշտոնական կայքը:
Տոնի կապակցությամբ ցուցադրական ելույթներ են ունեցել պատանի ըմբիշները, ձյուդոիստները, կարատեիստները, թաեքվանդոիստները, բռնցքամարտիկները, բադմինտոնիստներն ու սուսերամարտիկները։
Հիշեցնենք` Միջազգային օլիմպիական կոմիտեն (ՄՕԿ) օլիմպիական շարժման բարձրագույն ղեկավար մարմինն է։ Այն ստեղծվել է 1894 թվականի հունիսի 23-ին, ֆրանսիացի հասարակական գործիչ Պիեռ դե Կուբերտենի նախաձեռնությամբ։
Աշխարհում առաջին անգամ «Օլիմպիական օրը» նշվել է 1948 թվականի հունիսի 23-ին։
