Հաջորդ մրցաշրջանը «Բարսելոնայում» վերջինը կլինի Ինիեստայի համար
Ինչպես հաղորդում է իսպանական մամուլը՝ 33-ամյա կիսապաշտպան Անդրես Ինիեստան որոշում է կայացրել, որ չի երկարաձգի պայմանագիրը կատալոնական «Բարսելոնայի» հետ: Կողմերի պայմանագրի ժամկետն ավարտվում է 2018 թվականի ամռանը:
Իսպանական լրատվամիջոցները կարծում են, որ Ինիեստայի այս որոշումը կապված է Մարկե Վերատիի հավանական տրանսֆերի հետ: Ինիեստան կարծում է, որ Վերատիի գալով՝ իր տեղը մեկնարկային կազմում ապահովված չի լինի:
Ըստ աղբյուրի՝ Ինիեստան կամ կխաղա ԱՄՆ-ում, կամ էլ կգնա Կատար՝ իր խաղընկեր Չավիի մոտ:
Կատալոնական ակումբում անցկացրած 624 խաղերում Ինիեստան խփել է 54 գոլ և կատարել 134 գոլային փոխանցում:
Սիրարփի Աղաբաբյան
