«Դա սպեկուլյատիվ հարց է». Վարդան Արամյանը՝ իր հրաժարականի մասին

«Դա սպեկուլյատիվ հարց է». Վարդան Արամյանը՝ իր հրաժարականի մասին

«Դա սպեկուլյատիվ հարց է, դա հանրությունը կասի։ Գիտեք, իրականում այդ ցուցանիշները, որ պետք է ապահովել կամ չապահովել, բազմաթիվ գործոններ կան, որ կարող են ազդել դրա վրա։ Չմոռանանք, որ գլոբուսի վրա ենք ապրում, ու Հայաստանի Հանրապետությունն ուղղակի ավտարկիա չի, իզոլյացված չի, ու կան գլոբալ զարգացումներ, որ կարող են քեզ վրա ազդել»,- այսօր ասուլիսի ժամանակ հայտարարեց ՀՀ ֆինանսների նախարար Վարդան Արամյանը՝ պատասխանելով հարցին, թե արդյոք Արամյանը հրաժարական կտա՞, քանի որ Սերժ Սարգսյանը հայտարարել էր, որ իր կողմից նախանշված տնտեսական աճի չապահովման դեպքում կառավարությունը պետք է հրաժարական տա։

Ըստ նրա՝ որևէ մեկը չի կարող կանխատեսել, որ տնտեսական սանկցիաների պատերազմ կսկսվի աշխարհում, ու դա կունենա տնտեսական ազդեցություն Հայաստանի վրա, կամ միջազգային շուկայում հումքի գների եռապատիկ անկում կլինի։

«Հնարավոր չի ասել, թե ինչպես կփոխվի աշխարհը որոշ ժամանակ անց»,- ասաց Վ.Արամյանը՝ հավելելով, որ իրենք ծրագրերում դնում են այն կանխատեսումները, որոնք կարող են իրականացնել։

 

Գովազդ
Լրահոս
Ամենաընթերցված
ՕրվաՇաբաթվաԱմսվա
2017-11-28
Ի՞նչ կտա Հայաստանի սովորական քաղաքացիներին ՀՀ-ԵՄ համաձայնագիրը
Հայաստանում Եվրոպական միության պատվիրակության ղեկավար, Արտակարգ և լիազոր դեսպան Պյոտր Սվիտալսկին երեկ լրագրողների հետ հանդիպման ընթացքում խոսեց Հայաստան-Եվրոպական միություն նոր համաձայնագրի մասին։